Di pêşengtiya Kongreya Civaka Demokratîk (KCD), Partiya Herêmên Demokratîk (DBP), Tevgera Jinên Azad (TJA), Partiya Demokratîk a Gelan (HDP) û Tevgera Ekolojiyê ya Mezopotamyayê, wê îro bi dirûşma “Em li dijî hilweşandina şer û talankirina xwezayê dimeşin” ber bi Çiyayê Cûdî yê Şirnexê ve bimeşin.
Ji bo tev li Meşa Çiyayê Cûdî yê Şirnexê bibin girseyeke qelebalix li Êlihê kom bû. Gelek kesên di nav de Hevserokên DBP’ê Salîha Aydenîz û Keskîn Bayindir jî hebûn, di derketina navçeya Kercewsa Êlihê bi baskê Serhedê re gihiştin hev.
Hevseroka Giştî ya DBP’ê Salîha Aydenîz li vir axaftinek kir û anî ziman ku li dijî talana xwezayê li cem hev in. Aydenîz wiha axivî: “Ji bo xwezayê ber bi Cûdî ve dimeşin. Em ê îro bigihin Cizîrê û ji wir jî derbasî Cûdî bin. Heta ku talana pergalê bi dawî bibe em ê hemû çalakiyên xwe bidomînin.”
Dû re bi sedan kes bi çepik û tilîliyan ber bi Cizîrê ve bi rê ketin.
Serhet News
(lg)
