Nûçegihana JINNEWS’ê Nazlican Yildiz ku li Îzmîrê hatibû girtin di danişîna dozê ya ewil de hate berdan.
Yekemîn danişîna doza nûçegihana JINNEWS’ê Nazlican Yildiz ku di 6’ê Sibatê de li Îzmîrê bi îdîaya “Endamtiya rêxistinê” hatibû girtin, di 21’emîn Dadgeha Cezayê Gira ya Îzmîrê hate dîtin. Rojnameger Nazlican Yildiz û parêzerên wê di danişînê de amade bûn. Malbata Yildiz, Şaxa ÎHD’a Îzmîrê, rêveberên HDP’ê û rojnameger jî tevli danişînê bûn.
Rûniştinê bi tespîta nasnameyê dest pê kir. Nazlicanê di parastina xwe de diyar kir ku wê çalakiyên xwe di çarçoveyeke aştiyane de pêk anîne û beraeta xwe daxwaz kir.
Piştre jî îfadeyê ‘şahidê nepen 9’ hate guhdarîkirin. Şahidê nepen îdia kir ku Yildiz di nava rêxistinê de weke Rojîn tê zanîn û got bi talîmata rêxistinê di nava însiyatîfê de cih digire.
Ji parêzerên Yildiz, Serhat Işik jî da zanîn ku îfadeyên şahidê nepen şênber nînin û xwest ku miwekîla wî were berdan. He wiha parêzer Aryen Turan jî destnîşan kir ku nabe ku çalakiyên înîsiyatîfê weke sûc bên qebûlkirin.
Piştî navberê şandeya dadgehê biryara xwe da û Yildiz bi şertê kontrola edlî hate berdan. (MA)
Serhat News
