Lirayê Tirk, li hemberî dolar daketina xwe berdevam dike. Di destpêka vebûna piyasayên fînansê de dolarek gihişt 17.80 lîreyan û Euro jî gihişt 18.15 lireyan.
Nêrînên piyasayên fînansî yên cîhanê vegeriya ye ser biryara faîzê ya Banka Navendî ya Amerîkayê (FED). FED 26-27’ê Tîrmehê wê bicive û li bendêye rêjeya faîzê 75 puan bilind bike. Eger wisabe, nirxê dolar dê li hember pereyên welatên din bilindtir bibe.
Li gor nûçeya Rûdawê, di vê naberê de Banka Navendî ya Tirkiyê jî vê hefteyê dê pêşbîniya rêjeya enflasyonê ya dawiya salê biguhere. Banka Navendî, pêştir pêşbîniya enflasyona dawiya sala 2022’an weke ji sedî 42.8 eşkere kiribû, lê di nîvê sala 2022’an de rêjeya enflasyonê ji sedî 70 derbas bûbû.
Li çor çavdêrên aboriyê tê gotin ku ev her du biryar dê rasterast bandorê li ser nirxê lîreyê Tirkî bikin.
Serhat News
(lg)
