Hestiyên Yilmaz Ûzûn ê di bombebarana li çoltera Sêrtê ya di sala 2020’an de jiyana xwe ji dest dabû, piştî 3 salan di nava qutiyê de teslîmî malbatê kirin.
Li gor nûçeya Ajansa Mezopotamyayê, hestiyên Yilmaz Ûzûn ê di bombebarana li çoltera Sêrtê tevî 5 hevalên xwe ve jiyana xwe ji dest dabû piştî 3 salan di nava qutiyê de teslîmî malbatê kirin. Tevî ku malbat ji bo teşhiskirina cenaze xwîn dabû û encamên wê derketibûn jî agahî nedan malbatê û cenazeyê Ûzûn li Goristana Bêkesan hatibû veşartin.
Îbrahîm Ûzûn ê hestiyên lawê xwe di nava qutiyekê de wergirt wiha got: “Kurê min di sala 2020’an de jiyana xwe ji dest da. Wê demê ez hatim Sêrtê û min mînaka xwînê da. Tevî ku di sala 2021’an de encam derketin jî agahî nedan me. Piştre me daxwaznameyek da. Cenaze piştre teslîmî me kirin.”
Malbat a cenaze wergirt û bir navçeya Tatosê ya Erziromê.
Hate destnîşankirin ku ji bo cenazeyê Ûzûn leşkeran zext li keyayê gund û mele kirin e. Hat gotin ku leşkeran li keya geriyane û jê re gotine ew ê destûr nedin ku nimêja cenaze li mizgeftê were kirin.
Serhat News
