Qedexeyên hilbijartinê yên têkildarî tûra duyemîn dê saet 18.00’an de dest pê bikin û heta sibê êvarî wê bidomin.
Qedexeyên hilbijartinê yên beriya tûra duyemîn a hilbijartina Serokkomariyê îro dest pê dikin. Li gorî salnameya hilbijartinê ya ji aliyê Lijneya Hilbijartinê ya Bilind (YSK) ve hate weşandin, serbestiya propagandayê û hin qedexeyên hilbijartinê wê rojekî beriya hilbijartinê (27’ê gulanê) saet 18.00’an de bi dawî bibin. Gelemperiyê Tirkiyeyê wê sibê saet 08.00’an de dengdayîn dest pê bike û saet 17.00’an de jî bi dawî bibe. Ji destpêka saetên serê sibê qedexeyên roja hilbijartinê tên sepandin.
Qedexeyên hilbijartinê dê di 28’ê Gulanê de saet di 06.00’an de bikevin meriyetê. Qedexe wê saet 00.00’an bi dawî bibin. Li gorî agahiyên YSK’ê dê di 28’ê Gulanê de firotina vexwarinên bialkol bi awayekî demkî dê qedexe be. Li gorî vê yekê ji saet 06.00’an heta 00.00’an wê vexwarinên bialkol dê qedexe be.
Roja hilbijartinê dê cihên keyfxweşiyê yên weke qehwexane, kafeyên înternetê dê girtî bin. Loqantayên cihê keyfxweşiyê jî tenê dikarin xwarin bidin. Dawet jî ji saet 18.00’an û şunde dikarin bên kirin. Li jîngehan ji bilî hêzên ewlehiyê wê kesek nikare çekê bi xwe re bigerîne.
Qedexeya propagandayê ku di 27’ê gulanê saet 18.00’an de dest pê bike wê 24 saetan berdewam bike. Di 28’ê gulanê de heta ku sindoq bên girtin wê nûçe û weşanên propagandayê di nava xwe de dihewînin nikarin bên kirin. Saet di navbera 18.00’an û 21.00’an de wê nûçe û teblîxên têkildarî hilbijartinê yên YSK’ê bên weşandin. Piştî saet 21.00’an wê hemû weşan serbest bin. YSK dê bikare vê saetê pêş bixe. (MA)
Serhat News
