Di 11’mîn salvegera qetliyama Roboskê de ku 34 welatî bi balafirên şer hatibûn kuştin, tên bibîranîn.
Li gundê Roboskê yê bi ser navçeya Qilebana Şirnexê di 28’ê Kanûna 2011’an de di encama êrîşa balafirên şer ên Tirk de 19 jê zarok 34 welatî hatibûn qetilkirin. Qurbaniyên qetliyamê di 11’emîn salvegerê de tên bibîranîn.
Beriya bîranîna li goristana Roboskê ku 34 kesên hatin qetilkirin lê hatine definkirin bi sedan leşker sewqî gund hatin kirin. Hejmarek heyet ji bo bîranînê ji Şirnex, Mêrdîn, Amed, Êlih û bajarên din hatin gund. Malbat jî wêneyên zarokên xwe yên hatin qetilkirin wergirtin û derbasî ser goristanê bûn.
Hevseroka Giştî ya Partiya Demokratîk a Gelan (HDP) Pervîn Bûldan, Tifaqa Ked û Azadiyê, pêkhateyên Tifaqa Kurdistanî û Serokê Yekîtiya Baroyên Tirkiyeyê (TBB) Erînç Sagkan û serokên baroyên herêmê wê tev li bîranînê bibin. (MA Kurdî)
Serhat News
(lg)
