NÛÇEYA TAYBET
Li Wanê ku piştî pandemiyê krîza aborî kûrtir bû, bi sedan esnafan îflas kirin û kargehên xwe girtin, kardêr û pisporên turîzmê yên bajêr jî xwestin ku ji bo sala 2022an tedbîrên mayînde bên girtin.
Esnafên Wanê ji pêvajoya ku bi qedexe û tedbîrên ku ji 16ê Adara 2020an vir ve li Tirkiyeyê dest pê kir, pir bandor bûn. Esnaf, pisporên geştiyariyê û karsazên bajêr ku bi girtina deriyên sînor ên ku yekane çavkaniya debarê bûn, rojên dijwar derbas kirin, sala 2021’an bi krîzeke mezin derbas kirin. Li gorî amarên fermî zêdetirî hezar dikandaran derabeyên xwe girtine, li gorî amarên ne fermî jî bi hezaran dikandar îflas kirine û kar û barên xwe girtine. Karsazê Wanê Şemsettîn Bozkurt û pisporê tûrîzmê Murat Beyaz di nirxandina sala 2021’an de xwestin ku ji bo kûrbûna krîzê di sala 2022’an de tedbîrên mayînde bên girtin.
‘Girtina deriyên sînor zerareke mezin gihandiye bajêr’
Karsaz Şemsettîn Bozkurt ku bi kargeha ku li Herêma Pîşesazî ya Organîze ya Wanê damezrand xebatên girîng pêk aniye, destnîşan kir ku her çend di serê sala 2021’an de qismî çalakî hebû jî, bi guherandina dovîzê re bi pirsgirêkeke cidî re rû bi rû mane. Bozkurt, diyar kir ku ew jî êşa zêdebûna madeyên xam ên bi guheztina diravê biyanî dijîn û diyar kir ku ji ber deriyên sînor ên timî girtî bajar zirareke mezin dîtiye.
Bozkurt li ser daxwazên ji bo çareseriya pirsgirêkê rêz kir û pêşî xwest binesaziya tûrîzm û pîşesaziyê ya bajêr bê xurtkirin. Bozkurt got, “Diyarbekir di vê yekê de qismî bi ser ket. Lê Wanê nekarî vê yekê bike. Wan di warê dîrokî de cihekî girîng e. Bi nirxandina vê girîngiya dîrokî, bajar dikare bikeve tûrîzmê. Li gorî mîsyona dîrokî ya bajêr, bi avakirina rêyên hesinî yên ji Wanê heta Tehran û Hewlêrê, binesaziyek veberhênanê ya cidî dikare were çêkirin. Wan ne tenê bajarek e. Em nikarin xeyala 100 sal berê jî pêk bînin. Bi vî awayî hemû dînamîkên bajêr pirsgirêkên cidî dijîn. Hêviya me ya sala 2022’an ew e ku em van pirsgirêkan çareser bikin û bajêr bikin navendek balkêş. Ez wisa difikirim ku ev pirsgirêk dê bi xêzkirina herdu xetên hewayî, bejayî û hesinî çareser bibe.” Bozkurt, diyar kir ku zêdebûna diravê hilberînê rawestandiye û diyar kir ku ger tedbîr neyên girtin dê ev tengasî kûrtir bibe.
Tûrîzm Sektora Herî Bi bandor bû
Rêvebirê tûrîzmê Murat Beyaz, anî ziman ku sektora ku herî zêde ji krîza aborî bandor bûye sektora tûrîzmê ye û got, “2020’an ji bo Wanê bi windahiyên mezin derbas bû. Esnafên ku bi awayekî sax man, karîbûn xwe bigihînin sala 2021an. Sala 2021an jî pir gêj bû. Lêbelê, her çend bi derketina derziyê tevgerek qismî dest pê kir jî, ev ne bes bû. Weke sektor me di vê heyamê de hemû rêyên pêwîst sepand. Seferberiya me ya qismî di payîza 2021’an de pêk hat. Lêbelê, ew di vê tevgera qismî de pir li paş welêt ma, “wî got.
‘Me nekarî bajêr di rojevê de bihêlin’
Beyaz amaje bi wê yekê jî kir ku nebûna firokeyan di vê heyamê de bi serê xwe pirsgirêkek bû û got: “Yên ku dixwestin werin, ji ber nebûna firokeyan nikarin bên. Ji ber vê pirsgirêkê hin gerên hatin organîzekirin nekarîn pêk bên. Ji ber kêmbûna seferan em bi giranî bandor bûn.”
Beyaz, da zanîn ku nikarin bajêr di rojevê de bihêlin û destnîşan kir ku pirsgirêka herî mezin a bajêr ew e ku nikare van pêvajoyan veguherîne pêvajoyên erênî. Beyaz anî ziman ku divê tûrîzma zivistanê ji nû ve bê zindîkirin û got ku divê ji bo sala 2022’an amadekariyên cidî bên kirin. Beyaz got, “Em weke bajar ji sala 2022’an re ne amade ne û ji bo vê jî tu amadekariyên me nînin. Ji bo vê jî divê em stratejiyek diyar bikin û têkevin sala 2022’an. Mijara herî girîng zêdekirina seferan e. Ji ber vê yekê divê em gihandina xwe zêde bikin.”
Nûçe / Wêne: SG
Serhat News
(AA)
