Serokê Fransayê Emmanuel Macron derbarê êrîşa li hemberî Navenda Çandê ya Kurdan a Parîsê de peyamek weşand.
Macron di peyama xwe ya li ser Twîtterê de êrîş wekî êrîşeke terorîstî ya hovane pênase kir û wiha got: “Kurdên Fransa di dilê Parîsê de bûn armanca êrîşeke hovane. Dilê me bi qurbanîyan û bi wan kesên têkoşîna jîyanê didin re ye û bi malbat û hezkirîyên wan re ye,”
Wezîrê Navxweyî yê Fransa Gerald Darmanin jî got ku êrîşvan bi awayekî eşkereyî xwestiye ku bîyanîyan bike armanc, lê delîl di destê wan de tuneye ku wî bi taybatî Kurd kirine hedef.
Sîyasetvanê Fransî yê navdar Jean-Luc Melenchon jî xemgînîya xwe ya ser êrîşê dîyar kir. Melenchon jî di Twîtterê de ev peyam parve kir: “Xemgînî û hêrsbûn di êrîşa terorîstî ya dijî Navenda Çanda Ahmet Kaya li Parîsê. 10 sal berê jî, hema di van rojan de 3 rêberên Kurd, di dilê Parîsê de hatine kuştin. Êdî bes e! Divê emhevalbendên xwe yên Kurd li vir û li wir biparêzin.”
Dozgera Parîsê Laure Beccuau jî ragihand ku zilamekî 69 salî yê bergumanê êrîşê hatiye desteser kirin û ew kes berî demeke kin ji binçavkirinê hate berdan ku bê girtin were darizandin. (Dengê Amerîkayê)
Serhat News
(lg)
