Serkkomar Recep Tayyîp Erdogan di mitînga partiya xwe ya Wanê de axivî û got, “85 milyon welatî di dîrokê da heyama herî ewle, herî aram, herî rihet û herî hêsan dijîn, ber bi rojên reş ên berê va birina Tirkiyeyê wê bi kêrî kê bê?”
Serokkomar û namzetê serokkomariyê yê Tifaqa Cumhur Recep Tayyîp Erdogan tevli mîtînga partiya xwe ya li Qada Beşyola Wanê hatiye lidarxistin bû. Qada mitîngê bi alên Tirk û yên AKP’ê hatin xemilandin. Beriya mitîngê li bajêr tedbîrên ewlehiyê yên awarte hatin girtin û polîsan hemû cadeyên digihijin qadê bi bariyeran dorpêç kirin.
‘Heyama herî ewle û herî aram’
Serokkomar Erdogan di axaftina xwe ya mitîngê de wiha got: “Ji niha û pê va wê Gabar bi terorê neyê bibîranîn, ji niha û pê va Gabar li wê herêmê dê bi dewlemendiya neftê bê bibîranîn. 85 milyon welatî di dîrokê da heyama herî ewle, herî aram, herî rihet û herî hêsan dijîn, ber bi rojên reş ên berê va birina Tirkiyeyê wê bi kêrî kê bê? Xwîşk û birayên min ji dewleta xwe bawer bikin, ji me bawer bikin, ew rêxistina terorê ya ku çav kutaye aramî û namûsa we, careke din nikare nêzî we bibe.”
‘Ketine pey Kiliçdaroglu nizanin dê biçin ku’
“(Îtifaqa Milet) Digel înkarkirina xwe û dîroka xwe dane pey Kiliçdaroglu û nizanin ber bi ku derê va jî diçin. Heger em di 14ê Gulanê da xwedî li xeyala xwe ya Sedsala Tirkiyeyê dernekevin wê ev hişmendî mîna ewrên reş û tarî li ser welêt bigere. Înşeallah em ê nefta li Gabarê jî bi şert û mercên guncaw bidin welatiyên xwe.” (AA)
Serhat News
