Yekîtiya Doktorên Tirk (TTB) diyar kir ku li Tirkiyê di Tîrmehê de 231 doktoran daxwaza belgeya çûna derveyî welat kirine.
Li gor daneyên TTB di 7 mehên destpêka sala 2022’yê hejmara doktorên ku daxwaza belgeya çûna derveyê Tirkiyê kirine û dixwazin biçin welatên din gihiştiye hezar 402 kesan. Herwiha tenê di meha Tîrmeha borî de 231 doktoran xwestine ku biçin welatên din.
Her wiha TTB’ê destnîşan kiriye ku di 10 salên dawî de 5 hezar û 35 doktoran ji ber şert û mercên zehmet ên kar, kêmiya mûçe û tundûtîjiya li beramber wan ji Tirkiyê koç kirine.
Hêjayî bibîrxistinê ye ku di meha Hezîrana îsal de jî 125 doktorên pispor û 104 doktorên giştî ji Tirkiyê koç kiribûn.
Li gor aborînasan bi xirabî rêvebirina aboriya welat û bilindbûna enflasyonê sedema serekî ya koça doktoran e.
Serhat News
(lg)
