Li gor raporeke Mediazona serbixwe ya Ûrîs ku 30’ê Tebaxê weşandiye, zêdetirî 66,000 leşkerên Ûrîs li Ukrayna di nav şerê berfireh de hatine kuştin.
Mediazona, bi hevkariya BBC News a Ûrîs, bi hûrgulî navên leşkerên rûsî yên di pevçûnê de hatine kuştin bi lêkolîna çavkaniya vekirî belge kiriye. Di raporê de hat destnîşankirin, herî kêm 12 hezar û 813 girtiyên ji girtîgehên Ûrîsan hatine leşkerkirin, 12 hezar û 566 xwebexş û 8 hezar û 610 leşkerên seferberî di dema şer de di Artêşa Ûrîsan de jiyan ji dest daye. Wekî din, rojnamevanan lêkolîn li jiyanjidestdana leşkerên qeyidkirî yên Ûrîsş kirin, li gorî fermandariya leşkerî ya Ûrîsan, ew bi fermî ji meydana şer re nehatine şandin. Lê di raporê de hat diyarkirin,herî kêm 172 leşker hatine kuştin. Hin ji van leşkeran di destpêka êrîşa di Sibata 2022an de li Ûkraynayê hatin bicihkirin û piştre hatin vekişandin, hinên din jî li herêmên sînor ên Ûrîsan hatin kuştin. Di raporê de her wiha hate destnîşankirin, di 13-14’ê Nîsana 2022’an de dema keştiya Moskva binav bû, di nav wan kesan de leşkerên ku wekî deryavan erkdar bûn, jiyana xwe ji dest da.
Di raporê de hat zanîn, jiyanjidestdana van leşkeran ne girêdayî xisarên zêde yên gengaz ên di êrîşa dawî ya Ukraynayê ya li herêma Kurskê ya Rûsyayê de ye.
Berê, di Tîrmeha 2024an de, Meduza û Mediazona texmîn kiribûn herî kêm 120,000 leşkerên rûsî di êrîşê de li ser bingeha qeyd û qeydên mîrasê jiyana xwe ji dest daye. Serfermandariya Giştî ya Ukrayna texmîn kir, windahiyên personelên leşkerî yên Ûrisan ji 25ê Gulana 2024an vir ve 500,000 derbas kiriye, di nav de yên kuştî, birîndar, winda û dîlgirtî hene.
Di meha Sibatê de, Serokê Ukraynayê Volodymyr Zelensky ragihand, ji destpêka şerê berfireh heta niha 180,000 leşkerên Rûsyayê hatine kuştin. Herwiha diyar kir, di heman heyamê de zêdetirî 31 hezar leşkerên Ukraynayê jiyana xwe ji dest daye.
Karbidestên rojavayî texmînên bi vî rengî yên windahiyên şer ên Ûrîsan pêşkêş kirin. Di dawiya Nîsanê de, Wezîrê Derve yê Brîtanyayê yê ji bo Hêzên Çekdar Leo Docherty, windahiyên Ûrîsî ji 450,000 re texmîn kir.
Serhat News
