Li gundê Karahisara bi ser navçeya Seraya Wanê minîbusa penaberên Afganîstanî ji aliyê cendirme û cerdevanan ve hate gulebarankirin.
Li gor agahiyên ji çavkaniyên heremî hatine wergirtin, di encama gulebaranê de zarokekî/e 4 salî jiyana xwe ji dest da û 13 penaber jî birîndar bûn.
Hat ragihandin ku leşker û cerdevanan gule bera mînîbuseke penaberan dane ku li gorî îdiayan leşkeran gotiye “bisekine” lê wesayit nesekiniye.
Piştî gulebaranê, 22 penaber ji mînîbusê peya bûne û reviyane.
Piştî bûyerê birîndar ji aliyê ekîbên tenduristiyê ve bo Nexweşxaneya Dewletê ya Qelqeliyê hatine veguhestin. Li gor agahiyan cenazeyê zarokî/e hatiye kuştin rakirine morga nexweşxaneyê.
Walîtiya Wanê daxuyaniyek weşand
Walîtiyê derbarê bûyerê de daxuyaniyek weşandiye û îdia kiriye ku leşkeran ji ajokarî xwestiye bisekine lê ew nesekiniye û wan jî “gule bera tekeran dane.”
Di heman daxuyaniyê de hatiye diyarkirin ku “gule pekiyane” û ji ber zarokek 4 salî miriye, 12 penaber jî birîndar bûne.
Serhat News
(lg)
