YSK’ê derbarê Muharrem Înce de biryar da

YSK’ê daxuyand ku dengên ku ji bo namzetê serokkomariyê Muharrem Înce yê ji namzetiyê vekişiya bên bikaranîn, dê derbasdar bên jimartin.

Namzetê Serokkomarî û Serokê Giştî yê Partiya Memleketê Muharrem Înce du roj beriya niha bi daxuyaniyekê eşkere kir ku, wî dev ji namzetiya serokkomariyê berdaye. Desteya Bilind a Hilbijartinê (YSK) têkildarî dengên ku ji bo Înce dê bên bikaranîn de daxuyanî da. Serokê YSK’ê Ahmet Yener diyar kir ku dengên ji bo Înce werin bikaranîn, dê wek derbasdar bên jimartin û wiha got: “Birêz Muharrem Înce ji namzetiyê vekişiya. Me bi piraniya dengan vekişîna Înce ya ji namzetiyê qebûl kir. Her wiha biryar hat girtin ku dengên ji bo Înce bên bikaranîn dê derbasdar bên qebûlkirin.” (MA)

Serhat News