Şîrketa Lêkolîne ya ORC’ê ku encamên anketa xwe ya dawî eşkere kiriye, ragihandiye ku dengên AKP’ê piştî erdhejê daketiye ji sedî 29.1’ê. ORC’ê her wiha dengên MHP’ê jî wekî ji sedî 5.4 ragihandiye.
Şîrketa Lêkolîn û Anketê ya ORC’ê encamên anketa hilbijartinê ya dawî eşkere kir.
Anket piştî erdheja 6’ê Sibatê di navbera 17-21’ê Sibatê de li 45 parêzgehên Bakurê Kurdistan û Tirkiyê hatiye kirin. Li gor rapirsiyê dengên.
AKP’ê piştî erdhejê li gor Çileya îsal bi rêjeya ji sedî 1.1 daketiye û bûye ji sedî 29.1. Dengên MHP’ê ku şîrîkê AKP’ê yê desthilatê ye, jî ji sedî 5.4 in û bi vê yekê benda ji sedî 7 ya hilbijartinê derbas nake.
Rêveberê ORC’ê Mehmet Potekî encamên rapirsiyê li ser hesabê xwe yê medyaya civakî belav kirin.
Di rapirsiyê de ji dengdêran hatiye pirsîn “Eger vê Yekşemê hilbijartin bê kirin hûn dê dengên xwe bidin kîjan partiyê?”
Li gor bersivan ev encam derketine holê:
AKP: %29.1
CHP: %23.5
ÎYÎ Partî: %19.5
HDP: %8.1
MHP: %5.4
Partiya Gelecek: %2.5
Partiya DEVA:%2.3
Partiya Zafer:%2
Partiya Guherîn a Tirkiyê: %1.8
Partiyên Din: %5.8 (Rûdaw)
Serhat News
(lg)
