Li gor Anketa Şîrketa Lêkolînan a ORC’ê di hilbijartinên 2023’an de rêjeya dengên AKP’ê ji sedî 31.1 daketiye jêr. Tifaqa Millet, 4 xalan li pêş Tifaqa Cumhur e.
Şîrketa Lêkolînê ya ORC’ê encamên anketa dawî ya derbarê hilbijartinên 2023’an de eşkere kir. Anket li 45 bajaran bi awayek rûbirû di navbera 18-23’ê Mijdarê de ligel 4 hezar û 280 kesan hatiye kirin.
Li gor şert û mercên asayî eger hilbijartinek pêşwext nebe li Tirkiyeyê dê hilbijartinên giştî di Hezîrana 2023’an de bên lidarxitin. Di rapirsiyê de ji dengderan hatiye pirsîn “Eger vê Yekşemê hilbijartin bê kirin, hûn dê dengên xwe bidin kîjan partiyê?”
Bersivên beşdaran wiha ne:
AKP: %31,1
CHP: %24,2
ÎYÎ Partî: %17,8
HDP: %7,4
MHP: %6,8
Partiya Pêşerojê: %2,7
Partiya DEVA: %2,3
Di anketê de derbarê tifaqên hilbijartinê de jî pirs ji beşdarvanan hatiye kirin.
Li go bersivan rêja dengên tifaqan jî wiha ye:
Tifaqa Millet: %42,0
Tifaqa Cumhur: %37,9 (Rûdaw)
Serhat News
(lg)
