Di encama şerê di navbera du malbatan derketiye de, li Yuregîra Edeneyê bav û kurek hatin kuştin.
Li gor agahiyan, li cadeya Suleyman Vahît a bi ser Taxa Yunus Emre ya navçeya Yûregîrê, di navbera du malbatên ku beriya niha di navbera wan de dijmintî hebû, şerek çekdarî derketiye.
Di encama şer de welatiyê bi navê Salih Kiliç ê 15 salî li cihê bûyerê jiyana xwe ji dest da, welatiyê din ê bi navê navê Abdurrahman Kiliç ê 44 salî jî birîndar bû.
Cenazeyê Salih Kiliç bo otopsiyê rakirin morga Tiba Edlî ya Edeneyê.
Abdurrahman Kiliç ê birîndar jî ji Nexwexaçeya Perwerde û Lêkolînê ya Edeneyê hat veguhertin.
Hat ragihandin ku Kiliç ê birîndar li nexweşxaneyê tevî hemû mudaxaleyan jî nehatiye rizgarkirin û jiyana xwe ji dest daye.
Hêzên ewlekariyê bo girtina kesên tevli şer bûne dest bi xebatan kirin. (Rûdaw)
Serhat News
