Bi armanca 35’emîn salvegera Qetliyama Enfalê ku bi fermana Serokê berê yê Iraqê Saddam Huseyîn hatibû pêkanîn, li bajarê Silêmaniyê merasîmek bibîranîne hate lidarxistin
Merasîm, li navçeya Kelarê a bi ser Silêmaniyê ya Herema Kurdistana Federal a Iraqê bi tevlibûna, xizmên kesên jiyana xwe ji dest dan û niştecihên navçeyê birêve çû.
Çalakî bi vekirina pêşangeha wêneyan a der barê qetlîama Enfalê dest pê kir û ji bo bîranîna kesên jiyana xwe ji dest dane 35 mûm hatin pêxistin û xizmên kesên di qetlîamê da jiyana xwe ji dest dan axivîn.
Malbatan çelenk danîn Bîrdariya Enfalê ya li navçeyê û gorên xizmên xwe ziyaret kirin.
Qetlîama Enfalê
Li Iraqê di qetlîama ku di navbera 1980 û 1988’an de hatin kirin û wekî “Operasyonên Enfalê” tê zanîn da biqasî 182 hezar kes hatibûn kuştin.
Di operasyonên navborî de 4 hezar û 500 gundên li Silêmanî, Hewlêr, Kerkûk û Dihokê hatin şewitandin û wêrankirin, gelek welatiyên Kurd ji ber ewlehiya canê xwe mecbûr mabûn ku koçî Îran û Tirkiyeyê bikin.
Li Iraqê her sal di 14’ê Nîsanê de ji bo bîranîna kesên di qetlîama Enfalê da can dan çalakiyên bibîranînê tên lidarxistin. (AA)
Serhat News
