Lêkolîner û nivîskarê Kurd Mûnzûr Çem ku li Almanyayê koça dawî kir, li Çewlig hat definkirin.
Cenazeyê lêkolîner û nivîskarê Kurd Mûnzûr Çem (Huseyin Beysulen) li gundê Şeter a Çewlig bi merasîmekê hat definkirin.
Mûnzûr Çem ê ku di 77 saliya xwe de li Berlîn a Almanyayê ji ber nexweşiya penceşêrê dihat dermankirin koça dawî kir, piştî merasîma li Cemxaneya Berlînê ji bo ku were definkirin cenazeyê wî anîn gundê Şeterê yê navçeya Xorxol a Çewligê.
Tevî malbat û hezkiriyên wî, rêveberên alî û partiyên wek PAK, PSK, HAK-PAR, HDP û TDK-TEVGERê jî beşdarî merasîma cenazeyê bûn.
Di merasîma cenaze ya li Cemxaneya Seterê li ser jiyana Mûnzûr Çem partiyên siyasî û hevalên wî axaftin kirin.
Cenazeyê Mûnzûr Çem piştî dûayên bi Kurdî ber bi goristana malbatê ve hate birin û li wir hate veşartin. (Rûdaw)
Serhat News
(lg)
