Nûnerê Çînê yê Neteweyên Yekbûyî (NY) Geng Shuang di rûniştinekî de bang li Tirkiye û Îsraîlê kir ku operasyonên xwe yên li hember xaka Suriyeyê rawestî nin.
Cîgirê Nûnerê Çînê yê li NY’yê Geng Shuang di rûniştinekê li ser pirsa Suriyeyê de behsa êrîşên asmanî û topbaranên Tirkiyê yên li dijî Bakûrê Suriyeyê kir.
Shuang got, Sûriye dewleteke xwedî serwer e û bi çi hincetî bibe bila bibe, operasyoneke leşkerî ya li nav xaka Suriyê, binpêkirina mafê serweriya wê ye û divê Tirkiye operasyonên xwe rawestîne.
Her wiha nûnerê Çînê di berdewamiyê de balkişand ser operasyonên Îsraîlê yên li hember Suriyeyê û wiha domand: “Em bang li Tirkiye û Îsraîlê dikin ku dawî li van êrîşan bînin û bi diyalogê bigihin çareseriyan û hebûna hêzên biyanî li ser xaka Sûriyê neyasayî ye û ji bo sivikkirina êş û azarên welatiyên Sûriyê, divê ew hêz vekişin.”
Piştî daxuyaniyên nûnerê Çînê, Nûnerê Tirkiyeyê Ferîdun Sînîrlîoglu jî li dijî Çînê nerazîbûnên xwe anîn ziman û got ku şerê wan li dijî ‘terorê’ ye û ji bo parastina sînor û xelkê xwe dê berdewam şerê YPG’yê bikin. (K24)
Serhat News
(lg)
