Li Wanê, laboratuara patolojiyê ya Neşweşxaneya Zanîngeha Yuzucu Yilê ya Dursun Odabaşı tê girtin. Amûrên laboratuara ku, par hatibû vekirin jî wê ji Nexweşxaneya Perwerde û Lêkolînê ya Wanê re bên şandin.
Laboratuara patolojiyê par ji aliyê Serokê Beşa Patolojiyê ya Zanîngeha Yuzuncu Yilê Prof. Dr. Îrfan Bayram ve hatibû vekirin.Di laboratuarê de bi taybet jî nimûneyê nexweşên patalojiyê dihatin lêkolînkirin. Hat destnîşankirin ku laboratuar biboneya ku doktor tune ne hatiye girtin.
Nexweş li benda encamên xwe ne
Piştî ku Prof. Dr. Îrfan Bayram teqawît bû, hejmara xebatkarên laboratuarê daket 9 kesan.
Ji van kesan hin asîstan bûn pispor û derbasî peywireke cuda bûn. Tevî vê rewşê hejmara xebatkaran jî îcar daket 4 kesan. Ji ber vê yekê jî encamên lêkolînan ku diviya di nava 15 rojan de diyar bin, heta 3 mehan dirêj dibû.
Doktoran îstifa kir
Bo ku di beşa Patolojiyê de profesor an jî doçend nemabûn, li gor yasayê ne dikarî diktorên asîstan jî li vir bên peywirdarkirin. Herî dawî doktorên heyî jî îstifa kirin û bi vê mebestê biryar hate dayîn ku laboratuar bê girtin.
Tê diyarkirin ku tevî girtina laboratuarê wê amûrên wê jî ji Nexweşxaneya Perwerdehî û Lêkolînê ya Wanê re bên şandin.
Rayedarên Nexweşxaneya Yuzuncu Yilê tevî hemû hewldanên me bersiv nedan telefonên xwe.
Serhat News
(lg)
