Girtiyê bi navê Yaşar Aslan ku ev 30 sal in di girtîgehê de ye, tevî ku cezayê xwe qedandiye jî ji aliyê Lijneya Îdare û Çavdêriyê ya Girtîgeha Tekîrdagê we nayê berdan.
Girtiyê bi navê Yaşar Aslan ku 30 sal in di girtîgehê de ye û niha li Girtîgeha Tîpa F a Hajmar 2 ya Tekîrdagê tê ragirtin, bi hinceta ku “poşmantî qebûl neriye” ji aliyê Lijneya Îdare û Çavdêriyê ya Girtîgehê girtîgehê ve nayê berdan. Hat zanîn ku înfaza Aslan hate şewitandin û tehliyeya wî ji bo 3 mehên din hate taloqkirin.
Aslan, di kanûna sala 1992’yan de dema li Fakûlteya Hiqûqê ya Zanîngeha Dîcleyê dixwend, bi hincetên siyasî hate binçavkirin û li Dadgeha Ewlekariyê ya Dewletê (DGM) hate darizandin. DGM’ê, cezayê muebbetê da Aslan. Dihat payîn ku Aslan di 27’ê kanûna 2022’yan de were berdan, lê înfaza wî hate şewitandin û tehliyeya wî ji bo 3 mehan hate taloqkirin.
Aslan, herî dawî di 27’ê adarê de derket pêşberî Lijneya Îdare û Çavdêriyê û bi sedema ku “poşmantî” qebûl nekir, înfaza wî cara duyemîn hate şewitandin.
Birayê Aslan, Muslum Aslan got ku kekê wî bi hincetên “keyfî” nayê berdan û wiha bertek nîşan da: “Ev yek, sepaneke keyfî ya ji demê re hatiye vehêlandin û îşkence ye. Divê komeleyên mafên mirovan û her kesên ji xwe re dibêjin demokrat, pêşverû û rewşenbîr divê li dijî van helwestên dadgehên li gorî serê xwe tevdigerin bibêjin ‘bes e’ û berteka xwe nîşan bidin. Heke tiştek bi serê kekê min were, berpirsyarên vê yekê lijneya ku biryara şewitandina înfazê dayî, rêveberiya girtîgehê, dozgerê girtîgehê û wezareta dadê ne.” (MA)
Serhat News
