Li Bitlisê her sal zêdetir 2 metreyan berf dibariya. Lê îsal berf tuneye û li navçeya Tetwanê rêncber pezê xwe hêj jî derdixin çerê.
Xemla spî di mehên payîzê de dikete ser rûye erdê û heta serê biharê her der spî dima.
Lê îsal ji ber hişkesaliya dijmar, hêj berf nebariye û ji bilî kêm berfekî li gupika çiyayên bilind, her derê bajêr reş e.
Sewalkar tevî ku çile nîvî bûye jî hêj pezê xwe li derva, di nava mêrgan de diçerînin.
Ew Bidlîsa ku her sal di bin berfê de dima û her tim ji ber aşûtan rêyên wê dihatin girtin, di vê zivîstanê de tev reş e û hewa jî hêj baş sar ne bûye.
Par van rojan li herema Bidlîsê sitûrahiya berfê digişte nêzî 3 metreyan.
Îsal fikar heye ku hişkesalî li ser hilberîna çandiniyê û sewalkariyê tesîrek nebaş bike.
Serhat News
(lg)
