Hevserokê Giştî yê HDP’ê Mîthat Sancar diyar kir ku xemsariya hikûmetê, karesata erdhejê mezintir kiriye.
Navenda Koordinasyona Krîzê ya Partiya Demokratik a Gelan (HDP) bi rojeva erdhejê li Enqerê civiya. Hevserokê Giştî yê HDP’ê Mîthat Sancar di axaftina xwe ya vekirinê de rexneyên tund li hikûmetê kirin û got ku polîtîkayên şaş yên hikûmet û dewletê, pirsgirêk mezintir kirine.
Mîthat Sancar her wiha destnîşan kir ku di bingeha vê karesatê de bêxemî û bêkêriya hikûmetê heye.
‘Siyaseta talanê’
Sancar di axaftina xwe de wiha got, “Siyaseta talanê û berjewendiya hin aliyan, sedema sereke ya karesatê ye. Hikûmet ji bo alîkarîkirina welatiyan gelek dereng maye. Ev derengketin û nebûna hevahengiyê bû sedema zêdebûna hejmara qurbaniyan. Hikûmetê nekariyê krîzê bi rê ve bibe û lewma erdhej veguherî krîz û trajediyekê mirovî. Di vê karesatê de desthilatdarî nikare berpirsyariya xwe veşêre.” (K24)
Serhat News
(lg)
