Li Amedê di encama şerê çekdarî de kesek mir

Li Amedê di şerê navbera du koman de kesek hat kuştin û du kes jî birîndar bûn.

Li gor agahiyan şevêdin li navçeya Rezan ya Amedê hin kes an jî kesan li ser cadeyê bi çekan êrîş wesayîtekî kirine. Wê demê kesên di wesayîtê de bi demançeyê bersiv dane û şer çê bûye. Di encama şer de sê kes birîndar bûn.

Piştî bûyerê kesekî birîndar ji wê derê reviya û birîndarên din jî ji aliyê tîmên tenduristiyê ve veguhestin nexweşxaneyê.

Di nexweşxaneyê de tevî hemû mudaxaleyan birîndarekî ku navê wî nehatiye hînbûn jiyana xwe ji dest da.

Hatiye ragihandin ku derbarê bûyerê de lêkolîn hatiye destpêkirin û polîsan bo desteserkirina birîndarê din ku ji cihê bûyerê reviya ye dest bi kar û xebatên xwe kirine. (Rûdaw)

Serhat News

(lg)