Hevseroka Şaredariya Êlihê Songul Korkmaz ku ji kar hatiye dûrxistin jî di nav de li Êlihê, 11jin hatin desteserkirin.
Hat ragihandin ku li Êlihê vê sibê di encama serdagirtina malan de 11 siyasetmedarên jin hatin desteserkirin.
Li gor zanyariyan, kesên hatine desteserkirin ev in:
Hevseroka Şaredariya Êlihê Songul Korkmaz, Hevseroka Şaredariya Bekirhan Gulistan Sonuk, Hevseroka Şaredariya Hezo Nazime Avci, Hevseroka berê ya HDPê ya Êlihê Fatma Ablay, Endama Meclisa Giştî ya Bajêr Semra Guneş, Hevseroka Navenda HDPê Gurbet Dogan, Çalakvanên TJAyê Gurbet Bozyigit, Halide Keser, Gulnur Deli, Zeynep Oduncu û Ruken Zeryam.
Hate destnîşankirin ku kesên hatine desteserkirin li Midûriyeta Ewlekariyê ya Êlihê tên girtin.
Derbarê hinceta desteserkirina siyasetmedarên jin de heta niha tu daxuyaniyên fermî nehatine dayîn.
(lg)
