Rêveberê Giştî yê Tenduristiya Silêmaniyê aşkere kir, li Silêmaniyê 10 kes bi nexweşiya kolerayê ketine.
Cîgirê Rêveberê Giştî yê Tendirustiya Silêmaniyê Dr. Hêriş Seyid Selîm diyar kir; “Piştî zêdebûna haletên zikçûn û vereşînê, me testa nexweşan kir û ji bo piştrastkirinê şandin Bexdayê û derket holê ku 10 kes bi nexweşiya kolerayê ketine.”
Dr. Hêriş her wiha gotiye, “Em piştrast in ku hin nexweşên ku di bin çavdêriya de ne û tûşî zikçûn û vereşînê bûne, bi nexweşiya kolerayê ketine.”
Dr. Hêriş di berdewamiye de got ku wan tedbirên pêwîst wergirtine û wiha axivî: “Bi zêdebûna nexweşiyên zikçûn û vereşînê re, me pêşbînî kir ku kolera belav bibe û halet zêde bibin, me dermanên pêwîst ji bo dermankirina kolerayê li nexweşxaneyan dabîn kir.”
Wî di dawiya axaftina xwe de daye zanîn ku wan a agahî daye Rexistina Tenduristiya Cîhanê û hin saziyên din ên peywendîdar û wiha pêde çû: “Me ji Wezareta Tenduristiyê û Rêxistina Tenduristiyê ya Cîhanê xwest ku testan zêde bikin û di kontrolkirina çavkaniyên avê de hevkariyê bikin. Ji bo kontrolkirina kolerayê pêwîstiya me bi alîkariya madî û lojîstîkî heye. Divê hemû sektor bi me re hevkariyê bikin.” (K24)
Serhat News
