Wezarata Karên Navxweyî daxuyand ku li Şirnexê di encama pevçûnê de 3 leşkeran jiyana xwe ji dest daye û cerdevanek jî birîndar bûye. Her wiha hate ragihandin ku di heman şêrî de 3 endamên PKK’ê jî jiyana xwe ji dest dane.
Wezareta Karên Navxwe bi daxuyaniyekê ragihandiye ku li herêma Besta ya Şirnexê di dema operasyonekê de, di navbera hêzên ewlehiyê û endamên PKK’ê de şer derketiye.
Wezaretê, destnîşan kiriye ku, di şer de 3 leşkeran jiyana xwe ji dest daye û cerdevaneke ewlehiyê jî bi giranî birîndar bûye.
Di berdewamiya daxuyaniyê de hate diyarkirin ku di heman şerî de 3 endamên PKK’ê jî jiyana xwe ji dest dane.
Li aliyê din, Ajansa Nûçeyan a Mezopotamyayê jî derbarê heman şerî de nûçeyek parve kiriye û tê gotin ku di encama şer de 4 leşkeran jiyana xwe ji dest daye.
Ajansê her wiha diyar kiriye ku cerdevanê binavê Cevher Kaçan ê ji Gundê Zivarkika navçeya Qileban a Şirnexê jî di vî şerî de jiyana xwe ji dest daye.
Serhat News
