Li bajarê Urmiyê di encama du qezayên trafîkê 6 kesan jiyana xwe ji dest da û 4 kes jî birîndar bûn.
Yek ji wan bûyeran li ser rêya Tîkab-Feyzava û bûyera din li ser rêya Mihabad-Urmiyê çêbûye.
Rêveberê Heyva Sor a Urmiyê Hemîd Mehbûbî ragihand ku êvara Çarşemê li 10 kîlometreya rêya Tîkab-Feyzava li başûrê wê parêzgehê bûyereke trafîkê di navbera sê otomobîlên taybet de çêbûye.
Di encama bûyerê de 5 kesan canê xwe ji dest da û 2 kes jî birîndar bûn.
Hemîd Mehbûbî got, piştî ku ew ji bûyerê hatine agahdarkirin, wan tîmên hawarçûnê şandine cihê bûyerê û birîndarên bûyerê û termên kesên ku di bûyerê de mirine, rakirine nexweşxaneyê.
Mehbûbû herwiha diyar kir di bûyereke din de li ser rêya Mihabad-Urmiyê, barhilgirek li otomobîleke taybet qelibiye.
Di vê bûyerê de jî kesekî canê xwe ji dest da û 2 kes jî birîndar bûn.
Bi gotina wî rayedarî, birîndarên wê bûyerê jî birin nexweşxaneyê. (Rûdaw)
Serhat News
