Li Wanê bi hevkariya Akademyê û Înstîtûya Ehmedê Xanî ji bo bîranîna 21 Sibatê Roja Zimanê Dayikê ya Cîhanî panelek hat li dar xistin.
Di panelê de nivîskar û lêkolîner Tehsîn Îbrahîm Doskî û M.Xalid Sadînî axiftin. Panel di moderatoriya Abdurrahim Orhan pêk hat.
Birêz Doskî li ser jiyana Xanî sekinî û li ser berhemên wî Nûbar û Eqideya Îmanê agahiya dan û behsa orijantî û pêşeng bûna wan kir. Birêz Sadini behsa şahesara Xanî ya Mem û Zînê kir, destxetên wê yên heyî, wergerên wê yên ji bo zimanên din yên cîhanê, tesîrê fikrên Xanî ji netewperweriya Kurd hat nîqaş kirin û hin beşên giring yên Mem û Zînê hatin xwendin.
Di panelê de giringiya bikaranîna zimanê dayikê, pêşvebirina wê, derfetên zêdekirina bikaranîna kurdî, fermî bûna zimanên kurdî û îngilîzî li gel tirkî, teqeziya hewceyiya zimanê perwerdebûyînê ya kurdî hat nîqaş kirin.
Piştî panelê pirsên beşdarvanan hatin hilgirtin û plaket hatin teqdîm kirin.
Saziyên panel bi hev re organîze kirin yek Akademyê ku sala 2021’ê li Wanê vebûye, li ser kursî û îngilîzî xebatan dike, ji bo biçûka û mezina kursan vedike, xebatên çandî û hunerî dike.
Înstîtûya Ehmedê Xanî jî sala 2024’ê ava bûye, li Swêdê (Stockholm) û Wanê şaxên wê hene. Ehmedê Xanî bo xwe wek rêber qebûl dike, di qada çand, huner û perwerdeyê xebatan dike.
Serhat News
