Li Navçeya Ebex (Çaldiran) a Wanê zaroka 14 salî rastî destdirêjiya ajokarê servîsê yê bi navê K.A., yê 52 salî hatiye. Zarok gilîkare û ajokarê servîsê jî reviyaye.
Li Navçeya Ebex a Wanê, keçika 14 salî ku li Lîseya Pîşesazî û Teknîkî ya Çaldiranê dixwîne, rastî destdirêjiya ajokarê servîsê yê 52 salî K.A., yê ji Gundê Terkizê (Yuvacik) hatiye. Li gor îdîayan, zaroka 14 salî ji ber gefên K.A., di îfadeya xwe ya ewil de, bûyer înkar kiriye, lê di îfadeya xwe ya duyemîn de bûyer piştrast kiriye.
Derbarê ajokarê servîsê de biryara girtinê
Piştî ku îfadeya keçikê di bin çavdêrîya parêzer de hatiye wergirtin derbarê bersûc K.A., de biryara girtinê hatiye derxistin. Piştî bûyerê cendirmeyan li gund bi ser mala bersûc de girtine, lê ji ber ku ew reviyaye, nehatiye girtin.
Zarok ji malbata wê re hate radestkirin
Piştî ku îfadeya wê li dozgeriyê hate wergirtin, zaroka 14 salî ji malbata wê re hate radestkirin.
Lêpirsîna derbarê bûyerê de hatiye destpê kirin, berdewam dike.
Serhat News
