Li bajarê Osmaniye komek penaber jiber şert û mercên xerab ji navenda starkirinê ya damkî reviyan. Piştî ku penaber ji vir reviyan hin nijarperestan dan pey wan û tê îdîakirin, cendirmeyan jî gule berdaye ser wan.
Li gor zanyariyan şeva derbasbûyî li navendeke demkî ya penaberan a li bajarê Osmaniye 34 koçberên ku piraniya wan Efxanî bûn têlbendên wê navendê birîne û reviyane.
Piştî belavbûna nûçeyê hejmareke zêde nijarperestên li vî deverê li kolanan ketine pey wan penaberan da ku wan desteser bikin û radestî hêzên ewlekariyê bikin. Lê li gor dîmenên li ser medya civakî belav bûne di dema desteserkirinê de bi hestê nijadperestî êrîşî wan penaberan dikin û dibêjin wan naxwazin.
Herwiha Walîtîya Osmaniye jî têkildarî mijarê de daxuyaniyek belav kir û got, 35 penaberan xwe ji ser telbendên navenda demkî re avêtine û reviyane, lê tîmên cendermeyan 24 ji wan careke din destser kirine.
Walîtî, herwiha dibêje li navenda demkî ya penaberan rewş hatiye kontrolkirin û bo destserkirina 11 penaberên din jî lêkolîn berdewam in.
Serhat News
(lg)
