Li Wanê, piştî ava Gola Wanê ji ber hişkesaliyê ku li heremê bi bandor e vekişiyeye bermahiyên dîrokî yên ji dema Ûrartûyan mayî, derketin holê.
Ava Gola Wanê ji ber ku îsal şilî û berf gelek kêm barî û her wiha bi sedeba germbûna kurewî nêzî, 2 kîlometreyan paşve kişiyaye. Tevî paşvekişîna avê li Taxa Çelebîbax ya bi ser navçeya Erdîşa Wanê li herema Madavankê bermahiyên dîrokî yê ji serdema Ûrartûyan derket holê.
Bermahiyên îskeleyê derketine holê
Li wir bi ser tehtê sereke bi teşeya “T”yê 3 nîş, îskeleya bi qewartina teht hatiye çêkirin û her wiha merzelên di tehtê sereke de vedayî hene.
Serokê Beşa Arkeolojiyê ya Fakulteya Edebiyatê ya Zanîngeha Van Yuzuncu Yilê Prof. Dr. Rafet Çavuşoglu û Midûrê Muzeya Wanê Fatih Arap çûn herêma ava wê vekişiya û li berhemên derketin holê lêkolîn kirin.
‘Ev cara yekem ku 3 nîş bi hevre hatine dîtin’
Çavuşoglu bal kişand, bi kêmbûna ava golê va cihên parestinê yên bi teşeyê “T”yê derketin holê û wiha dewam kir: “Nîşên di teşeyê T’yê da wekî em ji Keleha Wanê jî dizanin, qadên perestinê ne ku li ser teht bi qewartine ve hatine çêkirin û di sewiyeya meşa mirovan da ne. Taybetiya herî mezin a van deran ew e ku însan ji bo kirina rîtuelên dînî tên vir û alav û boraqên ku pêşkêşî xwedayê xwe dikin, datînin vir. Heta niha ev cara yekem e ku li rex hev 3 nîş tên dîtin û ev jî ji hêla arkeolojiya Urartuyan xaleke girîng e.”
Fatih Arap jî derbare mijarê de nêrînên xwe parve kirin û wiha pêde çû: “Ev der qadeke perestinê ye. Bi vekişîna ava Gola Wanê va em cara ewil li vir merzelekî ku em di lîteratura Ûrartûyan da dizanin û bi vedana tehtê sereke ve hatiye çêkirin dibînin.” (AA)
Serhat News
(lg)
