Senatorê Amerîkî Chris Van di axaftinek xwe de gef li Tirkiyê xwarin û got, “Eger Tirkiye êrîşî Hêzên Sûriyeya Demokratîk (HSD) bike, divê ceza li ser Tirkiyê bê ferzkirin.”
Senatorê Partiya Demokrat ê Amerîkî Chris Van Hollen li Washingotonê derbarê hin geşedanên dawî de nirxandin kirin. Li gor nûçeya Rûdawê Hollen, têkildarî astengiyên Tirkiyê yên li hember entamdiya Swêd û Finlandiyayê ku dixwazin tevli NATO’yê bibin de gotiye, “Tirkiye hevpeymanekî bêwefa ye û Tirkiye heq nake mirov F-16’an bifroşe wê.”
‘Kongre wê red bike’
Bi domdarî Hollen dibêje: “Heta Tirkiye endamtiya Swêd û Finlandiyayê ya NATO’yê qebûl neke ti senaryoyeke bo erêkirina firotina F-16’an nîne. Eger endamtiya Swêd û Finlandiyayê bo NATO’yê qebûl neke F-16 bo Tirkiyê nayên firotin. Eger niha rêveberiya Bîden bo firotina F-16’an zanyariyeke fermî bide Kongreyê, dê ev bê redkirin.”
Rewşa Bakûrê Sûriyeyê
Hollen herwiha di axaftina xwe de anî ziman: “Piraniya Kongreyê di vî warî de di heman nêrînê de ne. Ez wê îhtimalê kêm dibînim, ku Serok Joe Bîden heta endamtiya Swêd û Finlandiyayê neyê qebûlkirin destûrê bide firotina F-16’an. Biden tevî îtiraza Kongreyê dikare firotinê erê bike, lê egera vê yekî nîne.”
Li aliyê din Hollen, derbarê Bakûrê Sûriyeyê de jî gef li Tirkiyê xwarin û got: “Eger Tirkiye êrîşî Hêzên Sûriyeya Demokratîk (HSD) bike divê ceza li ser Tirkiyê bê ferzkirin.”
Serhat News
(lg)
