Serokê Giştî yê Partiya DEVA’yê Alî Babacan hilbijartinên 14’ê Gulanê şiband referandûmê û got, “Di rastiya xwe de em diçin referandûmê. Her çend 4 namzetên serokkomariyê hebin jî, li gor me du namzet hene. Namzetên din ji bo piştgirya Erdogan bûne namzet.”
Serokê Partîya Demokrasî û Pêşveçûnê (DEVA) Alî Babacan li Enqereyê tevli bernameya fitarê ya partiya xwe bû.
Babacan dîyar kir ku hilbijartina 14’ê Gulanê mîna referandumê ye û wiha axivî: “Di rastiya xwe de em diçin referandûmê. Her çend 4 namzetên serokkomariyê hebin jî, li gor me du namzet hene. Namzetên din ji bo piştgirya Erdogan bûne namzet.”
Babacan her wiha derheqê ewlehiya hilbijartinan de jî hin nirxandin kirin û got ku ewê di roja hilbijartinê de jibo ewlekarîya sindoqan tam bixebitînin û namzetê serokomarîyê yê Tifaqa Millet Kemal Kiliçdaroglu dê bikin serokomarê nû.
Serokê DEVA’yê derbirî ku bi serkeftina wan re, dê maf û azadî ji berê çêtirtir bin.
Hêjayî bîrxistinê ye ku Babacan di serdemên pêşîn yên Partîya Dad û Pêşvebirinê (AKP) yek ji sîyasetvanên nêzî Serokomarê Tirkîyê Recep Tayyîp Erdogan bû. (Dengê Amerîka)
Serhat News
