Weqfa Uçan Supurge, ‘Projeya E-Wekhevî’ a bi armanca pêkanîna zanebûnê ya li ser mijarên tundî, mafên yasayî, wekheviya nûnerî, xuyanitî, hilberîn û afirandinê birêve diçe, yekemîn car li Wanê da nasîn.
Hejmarek zêde rêxistinên civaka sivîl û aktivîst tevli civîna ku li oteleke Wanê hatiye lidaxistin bûn. Weqfa Uçan Supurge, dê heman civînan li 7 heremên Tirkiyê lidar bixe. Uçan Supurge, ji destpêka damezirandinê heta niha jibo jinan xebatan dimeşîne. Weqfê heta niha li hemberî cudakariya zayendiya civakî gelek proje birêve birine û bi vê projeyê jî armanc dike ku jinan tevli mekanîzmayên biryargirtinê bike.
Bi vê armancê weqif wê 7 bajarên cuda yên li 7 hereman bi nûnerên jinan re bê cem hev. Weqif, di çarçoveya projeyê de jibo jinan platformekî dijîtal ya perwerdehiyê saz kiriye û jin wê bikarin bi rêya amurên wekî, telefonên desta, tablet û kompîturan tevli vê torê bibin. Ev tor dê bi temamî bê pere be û jin wê bikarin li ser mijara zayendiya civakî xwe bigihînin bernameyên perwerdeyê.
Ev projeya ku bi piştgiriya Yekitiya Ewropayê (YE) birêve diçe wê li bajarên, Edene, Enqere, Dîlok, Îzmîr û Trabzonê jî bê danasîn.
Weqfa Uçan Supurge, kengî hate damezrandin?
Uçan Supurge, di 13’ê Sermawêza, 1996’an hate damezrandin. Ji roja ku hatiye damezrandin û vir ve, ji bo ku jin bi hêzbibin û wekheviya zayendî bê misogerkirin û ji bo herkesî cîhanek adil pêk were, armanc dike ku guhertinan çêbike. Uçan Supurge ku çaryek sedsalek li pey xwe hişt, bi vê mebestê civîn û panel li dar xist, weşanên xwe amade kir, bernameyên televîzyonê çêkir, li seranserê Tirkiyê tora nûçegihanên herêmî ava kir û bi xwendekarên zanîngehê re têkiliyên nêzîk saz kir.
Serhat News
(lg)
