Hat ragihandin ku kaolîsyona navnetewî ya dijî DAIŞê li herêma Çilaxa ya Bakurê rojhilata Sûrîyeyê, tetbîqate leşkerî pêk anî.
Li gor nûçeya Dengê Amerîka, hêzên Koalîsyonê bi hawanên 120 mm li nêzî devera Çilaxa (Cewadîye) tetbiqate leşkerî pêk anî ku pergala çekan biceribîne û bandorî û amadebûna hêzên xwe mîsoger bike.
Koalîsyona bi pêşengîya Amerîka got ku armanca vê tetbîqatê ew e ku bi domdarî bikaribe hêzên hevalbendên xwe û hêzên Koalîsyonê biparêze.
Koalîsyonê bi berdewamî got ku berî pêkanîna vê tetbîqatê plankarîyeke rêkûpêk û pîvanên xurt yên ewlehîyê hatin girtin ku hêzên Koalîsyonê û rûniştvanên xwecîhî biparêzin.
Hêjayî bîrxistinê ye ku Wezîrê Berevanî yê Amerîka Lloyd Austin roja Çarşemê ji hevtayê xwe yê Tirk Hulusi Akar re gotibû ku ew bi xurtî dijî operasyoneke Tirkîyê ya li Sûrîyê ne.
Çavkaniya daxuyaniyê:
Serhat News
(lg)
