Akademiya Hunerê ya Aryen a Wanê bi navê “Rojên Mûzîkê yên Aryen” ew bernameya ji bo mexdûrên erdhêjê avakirî piştî 4 rojan bi konsera Colemêrg Collectivê bidawî bû.
Akademiya Muzîkê ya Aryenê, ji bo mexdûrên erdhejê bi navê “Rojên Muzîkê yên Aryenê” li Wanê rêzekonser lidarxist. Konserên ku 4 rojan dom kir, şevêdin bi konsera Colemêrg Collectivê bi dawî bû.
Konsera Colemêrg Collectivê li eywana ŞanoWanê ya li Aydin Perîhan AVM’ê, bi tevlîbûnek mezin û coşek xurt hate lidarxistin. Ev bername diyarî mexdûrên herêma erdhejê hate kirin.
‘Salonê coşek xurt hebû’
Ciwanê bi navê Robar Bor ku tevli konserê bûye balkişand ser çand û hunera Kurdan û keyfxweşîya xwe wiha anî ziman: “Me zanî kû bernameyek wiha derxistine û me xwest k em tevlî bernameyê bin. Em gelek kêfxweş bûn li salonê coşeke xurt hebû. Di van 4 rojan de herî zêde, ez îro kêfxweş bûm. Kedên komên din jî pir baş bûn, lê îro cudatir bi girtina govendê, coşa bihêz û gotina wan a çîroka ‘Heft bûkan’ em, hem gelek hestewar û hem jî dilşad bûn.”
Endamê Aryen Komê hunermend Emre ji got, “Me li vê derê bo gelê xwe stranên xwe pêşkeş kir. Em dixwazin li Colemêrgê jî konserek wisa bê lidarxistin. Gelek spas ku gelê me, em tenê nehiştin.”
Hunermendê Koma Colemêrg Collectivê Şiyar Yaşar biboneya malovaniya wan spasiyên xwe pêşkeşî ŞanoWanê kir û wiha axivî: “Ji bo vê şahîyê û bo malovaniya wan em spasiyên xwe pêşkeşî ŞanoWan û gelê Wanê dikin. Rastî coşek gelek mezin bû. Ji bo mexdûrên erdhejê me ev konsere pêk anî. Coş pir bi zêde bû. Ji ber ku cih tend bû gelek kes derketin ser dikê. Hevîya me ew e ku ev coşe û ev yêkitî tu caran li nava gelê me ne qede. Ez bang li hûnermendên ku li pey me tên dikim ku, tu carê dev ji çand û hunera xwe bernedin.”
Herî dawîyê de hunermendê Koma Aryen Kemal Yildirim ji kurtasî, behsa armanca bernameyê kir û wiha domand: “Li bajarên Kurdistanê erdhejek gelek mazin çûbû. Me jî wekî hunermendên Kurd, xwest em piştgirî bidin gele xwe.”
Serhat News
