Welatiyê bi navê Huseyin Turelî ku ji ber dozên xwe yên siyasî li bajarê Dihokê yê Herema Kurdistana Federal bicih bûbû, şevêdin di encama erîşeke çekdarî de hate qetilkirin.
Li gor nûçeya Ajansa Mezopotamyayê, welatiyê Kurd ê bi navê Huseyîn Turelî ku ji ber dozên xwe yên siyasî bi neçarî koçî bajarê Dihokê yê Herema Kurdistana Federal a Iraqê kiribû, şevêden rastî êrîşeke çekdarî hat. Hat ragihandin ku di encama êrîşê de Turelî jiyana xwe ji dest daye.
Hat hînbûn ku Turelî li Navenda Danûstandinê ya Family ya li Duhokê dikana borekan a bi navê “Asli Borek” dida xebitandin.
Turelî yê ku ji ber dozên xwe li Duhokê bicih bûbû, sala bihûrî di meha gulanê de jî bi êrişekê re rûbirû mabû.
Ajansê diyar nekiriye ku ka Turelî ji kîjan bajarê Tirkiyeyê ye.
Hêjayî gotinê ye ku li bajarên Herema Kurdistanê ev demeke li dijî siyasetmedarên Kurd ên bi neçarî ji ber dozên xwe yên siyasî li wan deran bicih bûne êrîşên çekdarî tên pêk anîn.
Serhat News
